Misir dünən səhər saatlarında başlayan humanitar fasilənin ilk günündə mühasirədə olan Qəzza zolağına yardım materialları ilə yüklənmiş 200 yük maşınının daxil olduğunu bildirdi.
Elchi.az xəbər verir ki, Misir Mətbuat İnformasiya Agentliyinin internet saytında edilən yazılı açıqlamaya görə, qurumun prezidenti Ziya Rəşvan Qəzzaya göndərilən yardım maşınları ilə ölkəsinə gətirilən yaralılarla bağlı qiymətləndirmələr edib.
Misirin Qəzzaya humanitar yardım göndərmək səylərinin davam etdiyini bildirən Rəşvan, humanitar fasilənin ilk günündə 200 TIR humanitar yardımın çatdırıldığını, həmçinin Yaşasın Misir Fondundan 2 təcili yardım maşınının, İordaniyadan 15 TIR-ın bağışlandığını bildirib. Sahə Xəstəxanası və BƏƏ-nin Sahə Xəstəxanasına aid 11 yük maşını Qəzzaya girdiyini ifadə etdi.
Rəşvan Qəzzadan 17 yaralının Misirə gətirildiyini, onlardan 12-nin isə yoldaşları ilə birlikdə müalicə üçün Türkiyə və Birləşmiş Ərəb Əmirliklərinə göndərildiyini bildirib.
Misir rəsmisi həmçinin qeyd edib ki, İsrailin oktyabrın 7-də başlayan hücumları nəticəsində Misirdə qapalı qalan 134 fələstinli könüllü olaraq Qəzza zolağına qayıdıb.
İsrail və HƏMAS arasında toqquşmalarda 4 günlük humanitar fasilə dünən saat 07:00-da (Türkiyə vaxtı ilə 08:00) qüvvəyə minib.
HƏMAS noyabrın 23-də bildirib ki, humanitar missiyaya Qəzzanın bütün hissələrinə çatdırılacaq 200 yardım maşını və 4 yanacaq daşıyan maşın gündəlik daxil olub.
Şayəstə Hüseynova
