Müstəqil Azərbaycan Ulu Öndərin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvətidir. Bu müqəddəs mirası qoruyub saxlamaq hər bir azərbaycanlının şərəfli vəzifəsidir.
Azərbaycan Respublikasının Prezidenti Cənab İlham Əliyevin sərəncamı ilə 2023-cü il Heydər Əliyev ili elan edilmişdir.
Elchi.az xəbər verir ki, Dövlətçilik salnaməmizdə silinməz izlər qoymuş, azərbaycanlı olması ilə ömür boyu fəxr etmiş, milli qürur və iftixar mənbəyimiz olan Heydər Əliyevin 100 illiyi Qusar rayonu İmamqulukənd kəndində qeyd edilib. İmamqulukənd kənd tam orta məktəbi və ADA universitetinin nəzdindəki ADA məktəbiylə dostluq əlaqələri qurulub. Bu vəsilə ilə ADA məktəbinin şagirdləri rayonun İmamqulukənd və ətraf kəndlərinin şagirdləri üçün kəndin klubunda teatr tamaşası göstərilib. Teatr başlamazdan öncə Qusar rayon təhsil şöbəsinin nümayəndəsi Nəzirə Babayeva qonaqları salamlayıb, sağlam mühitdə təhsilli şagirdlərin ölkəmizin gələcəyi olduğunu vurğulayıb. Qeyd edək ki, şəhər və kənd məktəb şagirdlərinin dostluq əlaqələrinə dayanaraq məktəblilərin iştirakıyla böyük dramaturq Mirzə Fətəli Axundovun “Hekayəti Müsyö Jordan və dərviş Məstəli şah” komediyası əsasında səhnələşdirilmiş tamaşa məktəb şagirdləri tərəfindən böyük rəğbət qazanıb.
Havar Şəfiyeva
