Almaniya kansleri Olaf Şolz gələn il ölkəsinin büdcəsində vətəndaşlar və şirkətlər üçün qənaət qərarlarının olacağını bəyan edib və büdcə çətinliklərinə baxmayaraq iqtisadiyyatı modernləşdirəcək və Ukraynaya dəstək verəcəklərini vəd edib.
Elchi.az xəbər verir ki, Scholz, Bundestaqda Konstitusiya Məhkəməsinin hökumətin istifadə olunmayan 60 milyard avroluq Covid-19 fondunun yenidən bölüşdürülməsinin qanuni olmadığına dair qərarı nəticəsində yaranan büdcə böhranı haqqında danışdı.
Almaniyanın son vaxtlar Covid epidemiyası, Ukraynadakı müharibənin iqtisadiyyata təsiri və artan enerji qiymətləri ilə mübarizə apardığını vurğulayan Scholz, enerji qiymətlərinin gözlənilmədən artması halında tez bir zamanda əks tədbirlər görəcəyini vəd edib.
Almaniya hökumətinin enerji qiymətlərindəki tavan qiymətini bu ilin sonuna qədər sona çatdıracağını bildirən Scholz, “Aşağı qiymətlər və yaxşı doldurulmuş təbii qaz çənləri səbəbiylə enerji qiymətlərindəki əyləclərə son verə biləcəyik” dedi.
Olaf Scholz, iqlim dəyişikliyi ilə mübarizə apardıqlarını və çətinliklərə baxmayaraq Almaniyanı modernləşdirməyə çalışdıqlarını izah edərək, “Bütün bu ciddi çətinliklər qarşısında ölkəmizin modernləşməsinə laqeyd yanaşmaq ciddi və bağışlanmaz bir səhv olardı” dedi.
Scholz, hökumətinin 2024-cü il büdcəsini “mümkün qədər tez” hazırlamaq üçün parlamentlə birlikdə çalışdığını və bunun vətəndaşlar və şirkətlər üçün qənaət qərarlarını ehtiva edə biləcəyini izah etdi və yarımkeçiricilər kimi vacib sektorları dəstəkləyəcəyini söylədi.
Vətəndaşların və şirkətlərin təlatümlü zamanlarda aydınlığa ehtiyacı olduğunu ifadə edən Scholz, “Vətəndaşlar dövlətin onlara verdiyi vədləri tutacağına inana bilərlər. Hazırda qarşılaşdığımız çətinliklərlə heç kimi tək qoymamışıq və qoymayacağıq” deyib.
Şayəstə Hüseynova
