Çin və Qərb arasında “hava kəşfiyyatı müharibəsi” qızışır.
Elchi.az xəbər verir ki, ABŞ-ın Çinlə bağlı hava məlumatları və strateji kəşfiyyat məlumatları almaq üçün kosmosda peykinin obyektivlərini dəyişdirdiyi iddia edilir. Mənbələr Çinin də tezliklə eyni üsuldan istifadə edəcəyini bildirir.
Ötən ay Çin və Qərb ölkələri arasında “meteoroloji kəşfiyyat müharibəsi”nin olduğu üzə çıxıb. Çin hökuməti ölkədə 300-ə yaxın “meteoroloji stansiya və müşahidə nöqtəsi kimi maskalanmış kəşfiyyat avadanlığı” ələ keçirdiklərini iddia edərkən, Çin Dövlət Təhlükəsizlik Nazirliyinin (MSS) iddia ilə bağlı 10 Çin şirkətinə qarşı araşdırma apardığı ifadə edildi. Beləliklə, kəşfiyyat üçün ilk dəfə olaraq meteoroloji ölçmə və nəzarət alətlərindən istifadə edildiyi üzə çıxıb. İddialara görə, cari böhran böyüyür və hər həftə ABŞ və Çin arasında meteoroloji kəşfiyyat münaqişəsi baş verir.
Şayəstə Hüseynova
