Avropa İttifaqı davamlı məhsulların təşviqi üçün “eko-dizayn” tənzimləməsi ilə razılaşaraq, bütün Avropada satılmamış paltar və ayaqqabıların utilizasiyasını qadağan etməyi hədəfləyir.
Elchi.az xəbər verir ki, Avropa Komissiyası, Avropa İttifaqının ( Aİ ) icra orqanı və Avropa Parlamenti “davamlı məhsullar üçün eko-dizayn” tənzimləməsi ilə bağlı razılığa gəliblər.
Yeni tənzimləmə qüvvəyə mindikdən sonra 2 il ərzində bütün Avropada satılmayan paltar və ayaqqabıların məhv edilməsi tamamilə qadağan ediləcək.
Avropalı istehsalçılar hər il milyonlarla ton satılmamış və ya geri qaytarılmış köhnəlmiş geyim və ayaqqabıları yandırma zavodlarına və ya xırdalama zavodlarına göndərirlər.
Aİ-də hər il adambaşına 11 kilo tekstil məmulatı atılır.
Avropa Komissiyası və Avropa Parlamenti “qıt materialların israfı” kimi qiymətləndirdikləri bu təcrübənin ətraf mühitə, iqlimə və dövlət büdcəsinə zərər vurduğu əsas götürülərək yeni hüquqi tənzimləməni həyata keçirməyə qərar verib.
Avropa İttifaqının rəsmi jurnalında dərc edildikdən sonra 2 il ərzində bütün üzv ölkələrdə qüvvəyə minəcək yeni qanun istehsalçıları daha davamlı məhsullar istehsal etməyə təşviq edəcək .
Yeni tənzimləmə daha uzun ömürlü, daha asan təmir oluna bilən və təkrar istifadə edilə bilən məhsulların geniş yayılmasını təmin edəcək.
Nuranə Məmmədova
