Qanunun qəbulunun lehinə 94 deputat, əleyhinə isə 77 nəfər səs verib.
Elchi.az xəbər verir ki, Danimarka parlamenti (Folketing) Quranın yandırılmasını qadağan edən qanun qəbul edib.
“France-Presse”in məlumatına görə, qanunun qəbulunun lehinə 94 parlament üzvü, 77 nəfər əleyhinə səs verib.
Hələ avqust ayında Danimarka hakimiyyəti bütün müsəlman dünyasının əsas kitabının yandırılması ilə Avropada tez-tez baş verən təxribat xarakterli hərəkətlər fonunda müxtəlif dinlərin müqəddəs kitablarının təhqir olunmasını qadağan etmək qərarına gəlib. Krallığın ədliyyə naziri Piter Hummelqaardın qeyd etdiyi kimi, bu cür cinayətlərə görə cəza ya cərimə, ya da iki ilədək həbs olacaq. Eyni zamanda, Danimarkanın xarici işlər naziri Lars Løkke Rasmussen bildirib ki, bu qərar Danimarka hakimiyyətinin bütün dünyaya göndərmək istədiyi mühüm siyasi siqnaldır.
Xatırladaq ki, İsveçin baş naziri Ulf Hjalmar Kristersson Quranın yandırılmasını yersiz, lakin qanuni adlandırıb.
Şayəstə Hüseynova
