ABŞ-dan hərbi yardımın dayandırılması Ukrayna Silahlı Qüvvələrini hücum etmək imkanından məhrum edəcək. Elchi.az xəbər verir ki, bu barədə Vaşinqtonda yerləşən Strateji və Beynəlxalq Araşdırmalar Mərkəzinin eksperti Mark Kanziana istinadən “Responsible Statecraft” nəşri yazıb.
“Bu yardım axını azaldıqca, Ukraynanın hərbi potensialı da onunla birlikdə azalacaq. Sonra, ola bilsin, fevralda heç bir hücum həyata keçirə bilməyəcəklər”, – deyə nəşr hərbi ekspertdən sitat gətirir.
Əlavə olaraq o qeyd edib ki, ABŞ-dan hərbi dəstək dayansa, Avropa ölkələri də analoji qərar qəbul edə bilər. Onun fikrincə, Avropa dövlətləri Vaşinqtonun iştirakı olmadan Ukrayna Silahlı Qüvvələrinə dəstək verməyə hazır olmayacaqlar.
Havar Şəfiyeva
