Çinin paytaxtı Pekində güclü qarın təsirli olduğu iki metro qatarının toqquşması nəticəsində yaralanan 515 nəfər xəstəxanalara aparılıb.
Elchi.az xəbər verir ki, Səlahiyyətlilər qəzanın Pekinin qərb hissəsindəki Çanpinq metro xəttinin yerüstü hissəsində baş verdiyini açıqlayıb.
Bildirilib ki, hadisə yerinə təcili tibbi yardım, polis və nəqliyyat qrupları müdaxilə edib və bütün sərnişinlər təxliyə edilib.
Qar yağışı səbəbindən sürüşkən olan relslərdə qarşıdakı metro qatarının avtomatik əyləc sisteminin işə düşməsi nəticəsində iki qatarın toqquşması nəticəsində xəsarət alan 515 nəfərin xəstəxanalara aparıldığı bildirilib.
Bildirilib ki, xəsarət alanlardan 25-i müşahidə altındadır, 67-nin müalicəsi davam etdirilir.
Güclü qar yağışı şəhərdə bəzi qatarların hərəkətinin dayandırılmasına və məktəblərin bağlanmasına səbəb olub.
Şayəstə Hüseynova
