Qəzza zolağında həlak olan İsrail əsgərlərinin ümumi sayı 126-ya çatıb. Elchi.az xəbər verir ki, bu barədə “The Times of Israel” İsrail Müdafiə Qüvvələrinə istinadən yazır.
Jurnalistlərin dəqiqləşdirdiyi kimi, Qəzza zolağında gedən döyüşlərdə daha 4 əsgər ölümcül yaralanıb. “Nəticədə HƏMAS-a qarşı quru hücumu zamanı həlak olan əsgərlərin sayı 126-ya çatıb”, – deyə hərbçilər bildirib.
Qeyd edək ki, bir gün əvvəl, dekabrın 17-də İsrail hakimiyyəti və Fələstinin Həmas hərəkatı Qəzza zolağında atəşkəsi bərpa etməyə hazır olduqlarını bildiriblər. Hazırda iki tərəf arasında yeni müqavilənin detalları ilə bağlı fikir ayrılıqları qalmaqdadır.
Havar Şəfiyeva
