Livanın Baş naziri Necib Mikati İsrailin Livanın cənubuna hücumlarına hər sahədə müqavimət göstərdiklərini bildirib.
Elchi.az xəbər verir ki, Livanın baş naziri Nəcib Mikati, paytaxt Beyrutda Nazirlər Şurasının iclasından əvvəl İsrailin oktyabrın 8-dən bəri Livanın cənubuna etdiyi hücumlardan danışıb.
Qəzza zolağında baş verən faciə və soyqırım, Livanın cənubuna təkrar hücumlar səbəbiylə 74 gündür böyük iztirablar yaşandığını bildirən Mikati, “Cənubda yaşayan xalqımız İsrailin hücumlarının qurbanıdır. Kəndlər, torpaqlar və bütün əkinlər yandırılır”, dedi.
Livanın baş naziri Mikati deyib:
“Bizim kimimiz meydanda, kimimiz siyasi səhnədə, milli və beynəlxalq platformalarda müqavimət göstəririk. Parlament, hökumət, təhlükəsizlik qüvvələri və administrasiya hər sahədə müqavimət göstərir”.
İsrail ordusu ilə Hizbullah arasında 8 oktyabrdan bəri sərhəddə davam edən qarşıdurmalarda 24 livanlı mülki şəxs, 111 Hizbullah üzvü, 5 İsrail vətəndaşı və 6 İsrail əsgəri həlak olub.
Şayəstə Hüseynova
