21 dekabr tarixində AYB-nin Natəvan Klubunda şair Sevil Gülnurun “Darıxmağın dadı” kitabının təqdimatı baş tutub.
Elchi.az xəbər verir ki, təqdimatda bir çox şair, yazıçı və digər sənət adamları iştirak ediblər. Tədbir şair və qiraətçi Müşfiqə Balladinqızının çıxışı ilə başlayıb, sonra digər iştirakçılara da söz verilib. İştirak eləyən qonaqlar arasında Azərbaycan Yazıçılar Birliyinin üzvü Azərbaycanın əməkdar mədəniyyət işçisi Qəşəm Nəcəfzadə, Azərbaycan Yazıçılar və Jurnalistlər Birliklərinin üzvü, “Azad qələm” ədəbi-bədii, ictimai-publisistik qəzetinin və “Ali Ziya” ədəbi-bədii, elmi-publisistik jurnalının təsisçisi və baş redaktoru Nəcibə İlkin, şair Gülnarə İsrafil, Ülkər Nicat, gənc şair və qazi Azər Ağayev, gənc ədəbiyyatsevər Aysel Şıxmuradova və s yer alıb. Sonda tədbirdə qonaqlarla xatirə şəkilləri çəkib. Qeyd edək ki, “Darıxmağın dadı” kitabı müəllifin sayca 6-cı kitabıdır. Kitablardan 4-ü vətən mövzusunda yazılıb, ikisi isə şeir kitabıdır.
