Almaniyanın xarici işlər naziri Annalena Bärbok bildirib ki, İsrail Fələstin anklavında hərbi əməliyyatların səviyyəsini azaltmalı və oraya yardım çatdırmaq imkanlarını genişləndirməlidir. Elchi.az xəbər verir ki, bu barədə TASS yazır.
Diplomatın aydınlaşdırdığı kimi, Qəzza zolağında humanitar vəziyyət getdikcə pisləşir. “Bu qədər günahsız insanın iztirabları belə davam edə bilməz. Daha az intensiv əməliyyata ehtiyacımız var” – deyə o bildirib.
Almaniyanın xarici işlər naziri əlavə edib ki, anklava çox az humanitar yardım çatır. Siyasətçinin fikrincə, məsələnin həllində mühüm addım Rəfah və Kerem Şalom keçid məntəqələrinin açılması ola bilər. “Lakin bu sərhəd-keçid məntəqələrinin fəaliyyəti indi onları darboğazlara çevirir. Bu davam edə bilməz”, – deyə o bildirib.
Havar Şəfiyeva
