Fransanın baş naziri Elizabet Borne istefa verəcək. Elchi.az xəbər verir ki, bu barədə ölkə hökumətinin saytı məlumat yayıb. Qeyd olunur ki, hökumət başçısı tutduğu vəzifədən istefa ərizəsi ilə yanvarın 8-də müraciət edib və prezident Emmanuel Makron bunu qəbul edib.
Bornun yeni hökumət formalaşana qədər Nazirlər Kabinetinin digər üzvləri kimi vəzifəsində qalacağı dəqiqləşdirilib. Born 2022-ci ilin mayından Fransa Nazirlər Kabinetinə rəhbərlik edir.
Makron, işinə görə Borne təşəkkür etmək üçün “X” sosial şəbəkəsinə müraciət edib. “Hər gün xalqımıza xidmətiniz nümunəvi olub. Layihəmizi cəsarət, fədakarlıq və qətiyyətlə həyata keçirdiniz. Ürəyimdən təşəkkür edirəm”, – deyə respublika başçısı yazıb.
Havar Şəfiyeva
