Almaniyada etiraz edən fermerlər hakimiyyəti “daha yaxşı hökumətə” təhvil vermək üçün erkən seçkilər keçirməyə çağırıblar.
Elchi.az xəbər verir ki, bu barədə “Berliner Zeitung” məlumat yayıb.
Fermerlərin etirazına ölkə hakimiyyətinin hərəkətlərindən narazı olan sadə Almaniya vətəndaşlarının da qoşulduğu vurğulanır. İştirak edənlərdən bəziləri Almaniya kansleri Olaf Şolsun, iqtisadiyyat naziri Robert Habekin, xarici işlər naziri Annalena Barbokun, eləcə də hökumətin digər üzvlərinin fotoşəkilləri olan manekenləri özləri ilə aparıblar.
Bundan əlavə, Bundestaqın deputatı Sara Vaqenknext etiraf edib ki, etirazlar yalnız gələcəkdə genişlənə bilər. O, Almaniyanın maliyyə nazirini narazılığın daha da artmasının qarşısını almaq üçün kənd təsərrüfatında ixtisarların tam ləğvini elan etməyə çağırıb.
Nuranə Məmmədova
