Avropa Xarici Fəaliyyət Xidməti 50 milyard avroluq yardım paketinin sərbəst buraxılması ilə bağlı fikir ayrılıqları fonunda Ukraynaya 20 milyard avrodan çox dəyərində hərbi dəstək üçün yeni üsul hazırlayıb. Elchi.az xəbər verir ki, Avropa İttifaqının (Aİ) yeni planını layihəyə istinadən “The Wall Street Journal” açıqlayıb.
Təşəbbüs Aİ ölkələrinə 20 milyard avrodan çox vəsaitin Kiyevə qarşıdakı dörd il ərzində verəcəkləri “on milyardlarla avro” hərbi yardımın müqabilində qaytarılmasını nəzərdə tutur. 2022-ci ildə yaradılan Avropa Sülh Fondundan təxminən 6,5 milyard avro cəlb edəcək və 2024-cü ildən 2027-ci ilə qədər hər il 5 milyard avroya qədər vəsait alacaq xüsusi fondun yaradılması planlaşdırılır.
Qeyd olunur ki, yeni fondun vəsaitləri Aİ ölkələrinin Ukraynaya ötürülməsi üçün birgə silah alışı ilə bağlı xərclərini kompensasiya etmək üçün istifadə olunacaq. Pulun digər hissəsi Ukrayna əsgərlərinin Aİ-də hərbi təlimlərinə sərf olunur. O da qeyd olunur ki, plan layihəsinə görə, Aİ 2024-cü ildə 7,5 milyard dollar məbləğində kompensasiya təklif edə bilər, lakin təşəbbüsün qüvvəyə minməsi üçün keçid dövrü lazımdır.
Havar Şəfiyeva
