Rusiyanın müdafiə naziri Sergey Şoyqu Yekaterinburqdakı “Uraltransmaş” zavodunda özüyeriyən artilleriya qurğularının (SAU) istehsalına baxış keçirib.
Elchi.az bu barədə RİA.ru-ya istinadən xəbər verir.
Zavodun baş direktoru Şoyquya məruzə edib ki, 2022-ci illə müqayisədə istehsal həcmi 6 dəfə artıb. Ən yeni 2S35 Koalitsiya-SV özüyeriyən haubitsalarının ilk partiyası tezliklə hazır olacaq.
Şirkət dövlət müdafiə sifarişlərini yerinə yetirir. Yoxlama zamanı Sergey Şoyqu belə özüyeriyən artilleriya qurğularına son dərəcə tələbat olduğunu vurğulayıb. O, qeyd edib ki, sınaq işlərini sürətləndirmək və kütləvi istehsala başlamaq lazımdır.
“Dəyişikliklər ciddidir, köklüdür. Çoxlu yeni texnika peyda olub. Təbii ki, bununla əlaqədar istehsal həcmi də artırılıb. Söhbət özüyeriyən artilleriyadan gedir. Biz bu silahların istehsalını gücləndirməliyik. Bu baxımdan bir həftə ərzində mən Prezidentin tapşırıqları ilə müəyyən edilmiş göstəricilərə necə çatacağımızla bağlı konkret təkliflər almaq istərdim”.
Yeganə
