İraq ordusu İŞİD-ə qarşı genişmiqyaslı əməliyyatlara başlayıb.
ANS PRESS-in məlumatına görə, İraq Ordusu terror təşkilatının nəzarətində olan əraziləri geri almaq üçün bu ana qədərki ən böyük əməliyyata başlayıb. Tikrit şəhəri yaxınlığında həyata keçirilən quru hərəkatı artıq nəticə verir.
Belə ki, Tikrit şəhərinin 50%-i İŞİD-dən azad edilib. Həyata keçirilən əməliyyatlar zamanı ən azı 100 İŞİD-çi öldürülüb. Əməliyyatlarda 18 könüllü əsgər ölüb, 35 əsgər isə yaralanıb. Dünən səhər saatlarından başlayan nəhəng əməliyyata 30 min şəxsi heyət cəlb edilib.
İraq baş naziri Heydər əl-Abadi əməliyyatın məqsədini açıqlayıb. O bildirib ki, məqsəd günahsız insanları İŞİD terrorundan və təzyiqindən xilas etməkdir.
