Rusiya iqtisadiyyatının artım tempi analitiklərin proqnozlarından yüksək olub.
Elchi.az xəbər verir ki, Rusiya iqtisadiyyatı 2023-cü ilin sonunda 3,6 faiz artıb. Bu sözləri Rusiya prezidenti Vladimir Putin videobağlantı vasitəsilə iqtisadi məsələlərə həsr olunmuş iclasda deyib.
“Ötən il iqtisadi artım gözləniləndən yüksək olub. Rusiyanın ÜDM-i, biz hələ də inanırdıq, 3,5 faiz artıb; son məlumatlara görə – 3,6 faiz. Bu, qlobal orta göstəricidən yüksəkdir. Dünyada orta artım tempi üç faiz, inkişaf etmiş ölkələrin iqtisadiyyatının artım tempi isə 1,5 faizdir”, – deyə prezident vurğulayıb.
Putin əlavə edib ki, belə artım dinamikasına sənaye istehsalının illik artımı və istehsal sektorunda artım kömək edib. Dövlət başçısı qeyd edib ki, yanvar ayında federal büdcənin kəsiri 308 milyard rubl təşkil edib ki, bu da ötən ilin göstəricilərindən xeyli aşağıdır.
Şayəstə Hüseynova
