ABŞ-ın keçmiş prezidenti Donald Trampın Rusiyanın NATO ölkələrinə potensial hücumlarını bəyənməsi ilə bağlı son açıqlamaları gözlənilmədən prezident Co Baydenin seçki yarışında qalmasına kömək etdi. Elchi.az xəbər verir ki, bu barədə “The New York Times” məlumat yayıb.
Həftə sonu Trampın şok açıqlaması diqqəti prezidentin yaddaş problemlərindən yayındırmaqla yanaşı, Baydenin müdafiəçilərinə məsələni yenidən gündəmə gətirmək üçün əlverişli yol təqdim etdi. İndi onlar deyə bilərlər: “Hazırkı prezident bəzən hər şeyi unudur, amma onun rəqibi həm yaşlı, həm də təhlükəli dərəcədə ehtiyatsızdır”.
Qeyd edək ki, Fevralın 8-də xüsusi prokuror Baydeni yaşının çox olması səbəbindən yaddaş problemlərində ittiham edən hesabat təqdim etdi. Bu, ABŞ-ın hazırkı prezidentinin qəzəbinə və kəskin reaksiyasına səbəb oldu.
Havar Şəfiyeva
