Liviyanın İqtisadiyyat və Ticarət naziri Məhəmməd Əli əl-Huveyc Türkiyə prezidenti Rəcəb Tayyib Ərdoğan və Misir prezidenti Əbdülfəttah əs-Sisi arasında keçiriləcək görüşün Liviyanın sürətli inkişafına və qurulmasına səbəb olacağını bildirib.
Elchi.az xəbər verir ki, Huveyc Misirin Əl-Şəms televiziyasına verdiyi müsahibədə Ərdoğanla Sisi arasındakı görüşdən məmnun olduqlarını bildirib.
Türkiyə və Misirin ölkəsinin iki tarixi iqtisadi tərəfdaşı olduğunu qeyd edən Huveyc Ərdoğanla Sisi arasında görüş və Türkiyə və Misir şirkətlərinin görüşünün Liviyanın sürətli inkişafına və qurulmasına gətirib çıxaracağını dəyərləndirib.
Türkiyə prezidenti Ərdoğan fevralın 14-də Misirə səfəri çərçivəsində prezident Sisi ilə görüşüb və Liviya məsələsi ilə yanaşı, iki ölkə arasındakı münasibətlər də müzakirə edilib.
Nuranə Məmmədova
