Yaponiya hökuməti İsrailin işğal etdiyi Qəzza zolağına əlavə 32 milyon dollarlıq humanitar yardım göndərməyi planlaşdırdığını açıqlayıb.
Elchi.az xəbər verir ki, Yaponiyanın xarici işlər naziri Kamikava Yoko Braziliyanın Rio-de-Janeyro şəhərində keçirilən G20 Xarici İşlər Nazirləri Toplantısında çıxış edib.
Kamikava, İsrailin işğalı və hücumları altında “kritik” olaraq xarakterizə etdiyi Qəzza zolağındakı humanitar vəziyyətdən “ciddi narahat olduğunu” bildirib.
İsrailin Rəfah şəhərinə hücumlarından “dərin narahat olduğunu” bildirən Kamikava tərəflərdən “humanitar baxımdan hərəkət etmələrini” tələb edib.
Yaponiyalı nazir bəyan edib ki, ölkəsi Qəzzada yaşayan mülki şəxslərə 32 milyon dollar dəyərində əlavə humanitar yardım göndərməyi planlaşdırır.
Yaponiya Xarici İşlər Nazirliyinin bəyanatına görə, humanitar yardım beynəlxalq qurumlar vasitəsilə regiona göndəriləcək.
Yaponiya hökuməti oktyabrda 10 milyon dollar, keçən ilin noyabrında isə 65 milyon dollarlıq humanitar yardım göstərəcəyini açıqlamışdı.
Nazir Kamikavanın G20 Xarici İşlər Nazirləri Toplantısı çərçivəsində Fransa və Böyük Britaniyanın xarici işlər nazirləri ilə ayrı-ayrılıqda görüşdüyü bildirilib.
Nuranə Məmmədova
