ABŞ prezidenti Co Bayden və keçmiş prezident Donald Tramp bu həftə eyni gündə ABŞ-Meksika sərhədinə səfər edəcəklər.
Elchi.az xəbər verir ki, ABŞ- da noyabrda keçiriləcək prezident seçkiləri yaxınlaşdıqca, immiqrasiya məsələsi ölkədə əsas gündəm mövzusu olmaqda davam edir.
ABŞ mətbuatına açıqlama verən Ağ Ev rəsmisi, Baydenin cümə axşamı Texas ştatının Brownsville şəhərinə səfər edəcəyini bildirib və Baydenin səfəri çərçivəsində ABŞ Sərhəd Xidmətinin əməkdaşları, hüquq-mühafizə orqanlarının əməkdaşları və yerli liderlərlə görüşəcəyini bildirib.
Trampın seçki kampaniyasının rəsmisi Trampın həmin gün Texas ştatının Eagle Pass şəhərinə səfər edəcəyini açıqlayıb.
Nuranə Məmmədova
