Almaniya kəşfiyyatı bu barədə şok məlumatlar yayıb
Almaniyanın “Der Spiegel” jurnalı son məqaləsində Türkiyə prezidenti Rəcəb Tayyib Ərdoğana sui-qəsd planı barədə yazıb.
ANS PRESS-in məlumatına görə, məqalədə dekabrda Almaniyada tutulan üç türk xəfiyyədən bəhs edilir. Öz aralarında danışan xəfiyyələrin danışıqları alman təhlükəsizlik orqanları tərəfindən yazılıb.
Müəllif bildirir ki, həmin xəfiyyələrdən biri telefon danışığı zamanı Türkiyə prezidenti Rəcəb Tayyib Ərdoğana sui-qəsd planı barədə danışıb. O, Ərdoğanın Ankaradakı evində çalışan aşpaz qadından şübhələndiyini bildirib.
Türkiyə üçün xəfiyyəlik fəaliyyətinə görə daha bir nəfər isə Belçikada həbs edilb. Həmin dörd türkün Almaniyada və Belçikada PKK və Gülən camaatı ilə bağlı kəşfiyyat apardığı bildirilir. Hazırda onlardan üçü buraxılıb və biri hələ də həbsdədir.
