Yunanıstan məhkəməsi stüardessalarının çərşənbə günü planlaşdırdığı tətili qeyri-qanuni hesab edib, yerli aviaşirkətlərin ləğv etməyi planlaşdırdığı uçuşlar baş tutacaq.
Elchi.az BBC.com-a istinadən xəbər verir ki, bu barədə Yunanıstanın “ERT-news” telekanalı məlumat yayıb.
Telekanalın məlumatına görə, Yunanıstanın Mülki Aviasiya Departamentinin aviadispetçerlərinin və hava rabitəsinin elektron mühafizəsi əməkdaşlarının birliyinin tətili həmin idarənin rəhbərliyinin məhkəməyə müraciətindən sonra qanunsuz hesab edilib. Yunanıstanın aparıcı hava yolları olan “Aegean Airlines” və “Olympic Air” artıq sərnişinlərin nəzərinə çatdırıb ki, səlahiyyətli orqanların qərarına əsasən, 28 fevral çərşənbə günü xidmətlərin göstərilməsi dayandırılmayacaq və uçuşlar planlaşdırıldığı kimi həyata keçiriləcək.
Xatırladaq ki, bundan əvvəl, Yunanıstan stüardessaları çərşənbə günü baş tutacaq 24 saatlıq tətil elan etmişdilər. Yunanıstanın Dövlət Sektoru Həmkarlar İttifaqları Ali Şurasının bəyanatında bildirilir ki, tətil zamanı yalnız mövcud qanunvericilikdə nəzərdə tutulan reyslərə xidmət göstəriləcək. Qanuna görə, tətil zamanı yalnız xəstələrin daşınmasına, hökumət uçuşlarına, eləcə də təyyarələrin təcili enişinə icazə verilir.
Yeganə
