Almaniya kansleri Olaf Şolz Böyük Britaniyanın müvafiq müraciətindən sonra Ukraynaya “Taurus” uzaqmənzilli raketlərini verməkdən imtina edib. Elchi.az “Reuters”a istinadən xəbər verir ki, o, qərarını alman hərbçilərini Ukrayna münaqişəsinə cəlb edəcək hərəkətlərdən qaçmaq istəyi ilə izah edib.
“Mən alman əsgərlərinin Rusiyanın Ukraynaya qarşı apardığı dəhşətli müharibə ilə bağlı hansısa şəkildə hərbi əməliyyata cəlb edilməsinə səbəb olacaq heç bir qərarı dəstəkləməyəcəyəm”, – deyə kansler cavab verib.
Qeyd edək ki, bundan əvvəl Britaniya hakimiyyət orqanları Almaniyanı özəl olaraq Ukrayna Silahlı Qüvvələrinə “Taurus” uzaqmənzilli raketlərini təhvil verməyə çağırmışdı.
Havar Şəfiyeva
