Dünən xəbər verdiyimiz kimi, Rusiya prezidenti Vladimir Putin hökümətə və Rusiya Mərkəzi Bankına sentyabrın 1-nə kimi Avrasiya İttifaqının vahid valyutaya keçidinə dair lazımi sənədləri hazırlamaq barədə göstəriş verib.
ANS TV xatırladır ki, Rusiya, Qazaxıstan, Belarus, Ermənistan və böyük ehtimalla Qırğızıstanın gələcəkdə vahid valyuta növündən istifadə edəcəyi gözlənilir. Vahid valyutanın tətbiqi Avrasiya İqtisadi İttifaqının nizamnaməsində də nəzərdə tutulub. Həmin sənədlərə əsasən, İttifaqın 2025-ci ilə kimi Vahid Mərkəzi Bankı yaradılmalıdır.
Siyasi ekspertlərə görə, Qərb sanksiyaları və neftin ucuzlaşması fonunda, Vladimir Putin vahid pula keçid prosesini tezləşdirməyə məcbur qalıb. Gələcək valyutanın adı ilə bağlı da variantlar səslənib.
Qazaxıstan prezidenti vahid valyuta ilə bağlı iki variant təklif edib. Birinci təklif olunan ad – “altın”, ikincisi isə – “yevrazdır”.
