Rusiya NATO ilə hərbi toqquşmaya doğru gedir.
Elchi.az xəbər verir ki, bunu Almaniyanın xarici işlər naziri Annalena Berbok “Funke” media qrupuna müsahibəsində deyib.
O bildirib ki, Kremlin məqsədi Ukraynanı məhv etmək və NATO-nu müharibəyə çəkməkdir: “Lakin biz buna icazə verməyəcəyik. Çünki Rusiyanın qələbəsi Avropanın təhlükəsizliyinə və beynəlxalq nizama mənfi təsir edəcək. Ona görə də Ukraynaya dəstək Avropanın təhlükəsizliyinin təminatıdır”.
Nazir Qərbin Ukraynaya qoşun göndərmək ehtimalını istisna edib.
Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl bildirib ki, Qərb dəstəyi dayandırsa, ölkəsi geri çəkiləcək. ABŞ hələ ki Ukraynaya yardımı dayandırıb. Bundan əvvəl xarici KİV-lər yazmışdı ki, ABŞ Ukraynadan hücumdan müdafiə strategiyasına keçməyi tələb edir.
ABŞ dövlət katibi Antoni Blinken daha əvvəl Ukraynanın çətin vəziyyətdə olduğunu açıqlayıb. Türkiyənin xarici işlər naziri Hakan Fidan isə bildirib ki, Rusiya ilə Ukrayna arasında sülhün vaxtı çatıb. V.Zelenski daha əvvəl qeyd edib ki, atəşkəs həm Ukrayna, həm də Şərqi Avropa üçün ciddi təhlükə yaradacaq. NATO hərbi komitəsinin rəhbəri, admiral Rob Bauer bundan əvvəl Rusiya ilə müharibəyə hazır olduqlarını söyləyib. Kreml sözçüsü Dmitri Peskov daha əvvəl Rusiyanın de-fakto müharibə şəraitində olduğunu bildirib. V.Zelenski daha əvvəl Rusiyanın əks-hücum əməliyyatlarına hazırlacağı barədə xəbərdarlıq edib.
