Ekologiya və Təbii Sərvətlər Nazirliyinin daha bir əməkdaşı ilə bağlı Vertikal.az-ın cənub bürosuna yerli sakinlər tərəfindən şikaiyət xarakterli məlumat daxil olub.
Məlumatı kiçik ixtisar və zəruri düzəlişlə təqdim edirik:
“Liman bələdiyyəsinin sədri Zabil Dadaşovun ərazidə qazmadığı, satmadığı yer qalmayıb. İndi iş o yerə çatıb ki, hətta yüksək gərginlikli elektirik xətlərinin altını da “bələdiyyə mülkiyyətində olan boş torpaq sahəsi” kmi hərraca çıxarıb.
İndi həmin yerlər də bir ucdan qazılaraq satılır. Limanda satmağa boş yer qalmadığından, indi köhnə rus qəbiristanlıqı , dəmir yolunun muhafizə zolağı da zəbtə məruz qalıb. Burada şıdırğı qazıntı işləri gedir.
Qanunsuz qum biznesinə Liman şəhər bələdiyə sədri Zabil Dadaşovla eyni zamanda şəhər Polis şöbəsi və ETSN regonal nümayəndəliyi başçılıq edir.
Qum alveri Xutor qəsəbəsi ilə Göyşaban ərazi vahidliyinin Ürgə kənd ərazisində ilkin olaraq kustar üsullarla ələnir, və işbazlar tərəfindən ağır tonnajlı maşınlarla bazara satışa çıxarılır. Nəticədə Ürgə kəndi ilə bərabər digər kənd yolları da bərbad hala düşüb.
Təxmini hesablamalara görə himayədarların qanunsuz qum biznesindən aylıq gəliri 5000 min manat civarındaır.
Bir qrup şəxsin qanunsuz yolla varlanması qalsın bir yana, ərazi qazıq-qazıq olub, torpağın əvvəlki vəziyyətinə qaytarmağı milyonlar bahasına başa gələ bilər.
Yerli sakinlər Vertikal.az-a bildirir ki, Belə davam etsə, Liman şəhəri çox yaxın müddətdə ekoloji fəlakətlə üzləşəcək.
Təssüflər olsun ki işbazların bələdiyyə sədri, polis və ekologiya idarəsi tərəfindən himayə olunması şikayətlərin obyektiv araşdırılmasına imkan vermir.
Bu səbədən də işə Lənkaran şəhər icra hakimiyyəti başçıısı Taleh Qaraşovla, Ekalogiya və Təbiisərvətlər naziri Hüseyinqulu Bağırovun əl qoyması lazmdır.
