Aprelin 19-da G7 ölkələri xarici işlər nazirlərinin İtaliyadakı görüşündə İsrailin İran ərazisinə iddia edilən hücumu ilə bağlı vəziyyət müzakirə ediləcək.
Elchi.az Bloomberg.com-a istinadən xəbər ki, bu barədə Kanadanın Xarici İşlər naziri Melani Coli məlumat verib.
“Kanada Xarici İşlər Nazirliyi İranda gecə baş verən partlayışlar barədə mənə məlumat verdi. Biz vəziyyəti diqqətlə izləyirik. Biz bunu bu gün səhər İtaliyada keçiriləcək G7 toplantısında xarici işlər nazirləri ilə müzakirə edəcəyik”,-deyə o, X-də yazıb.
Kapri adasında görüşə ev sahibliyi edən İtaliyanın baş nazirinin müavini, xarici işlər və beynəlxalq əməkdaşlıq naziri Antonio Tajani X-də bildirib ki, İsrailin iddia edilən zərbəsindən sonra vəziyyətin inkişafı sonuncu iş günü səhər iclasda müzakirə olunacaq.
Yeganə
