Bildirilib ki, İsrail ordusu tezliklə Qəzza zolağının cənubundakı Rəfah şəhərinə qurudan hücuma hazırlaşır.
Elchi.az xəbər verir ki, İsrailin rəsmi televiziya kanalı KAN-ın adı açıqlanmayan hərbi mənbələrə istinadən verdiyi məlumata görə, İsrail ordusu çoxlu sayda fələstinlini çox yaxın vaxtlarda təxliyyə etmək üçün Rəfahda quru işğalı əməliyyatına hazırlaşır.
Kanalın hərbi xəbər şərhçisi İtay Blumental, “İsrail ordusunun planına görə, Rəfahdakı 1 milyondan çox fələstinlidən bölgəni boşaltmaları və Qəzza zolağının cənub və mərkəzi hissəsində yeni hazırlanmış sığınacaqlara gəlmələri istəniləcək”, – deyib.
Blumental qeyd edib ki, daha əvvəl Qəzzanın cənub və mərkəzi hissəsində beynəlxalq yardım təşkilatları və digər dövlətlər tərəfindən Rafahdan gələn köçkün fələstinlilər üçün minlərlə çadır hazırlanıb.
KAN öz yayımında son həftələrdə Rəfah şəhəri ilə Xan Yunis arasında qurulan çadır şəhəri göstərən peyklər tərəfindən çəkilmiş fotoşəkilləri nümayiş etdirib.
Planın ABŞ və adı açıqlanmayan bölgə ölkələrinə təqdim edildiyini bildirən Blumental, İsrail ordusunun Rəfahda irəliləməsinin mərhələli olacağını bildirib.
Blumental, İsrail ordusunun Rəfaha qarşı quru əməliyyatı başlamazdan əvvəl təxliyyə ediləcək bölgədəki insanların xəbərdar ediləcəyini vurğulayıb.
Blumentalın sözlərinə görə, İsrail təhlükəsizlik rəsmilərinin sözlərinə görə, Rəfah şəhərində insanların təxliyəsi 4-5 həftə çəkəcək.
Nuranə Məmmədova
