Yazıçı-şair, tərcüməçi İmdad Avşarın baş redaktoru olduğu “Türk ədəbiyyatı” aylıq fikir və sənət dərgisinin may buraxılışı böyük sərkərdə, Səfəvilər İmperiyasının banisi Şah İsmayıl Xətaiyə həsr olunub.
Elchi.az xəbər verir ki, şanlı hökmdarın vəfatının 500-cü ildönümü münasibətilə ərsəyə gələn dərgidə Şah İsmayıl Xətainin şəxsiyyəti və yaratdığı əsərlər barədə müxtəlif yazılar dərc olunub.
“Şah İsmayıl” sayını bəzəyən miniatürlərin müəllifi isə Azərbaycanın çağdaş miniatür sənətinin istedadlı siması Pəri xanımdır.
