Allah Sizdən razı olsun, Mahirə xanım!
Mahirə xanım Əsədova 1 il 3 aydır Azərbaycan Respublikası “Yeni Yurd” Sosial İnkişaf ictmai birliyinə rəhbərlik edir. O, bu müddətdə,dövlətdən1 qəpik də olsa, maddi vəsait almadan bir çox uğurlu layihələri həyata keçirib.İndi “Yeni Yurd”un ətrafında yığcam işgüzar kollektiv formalaşıb: Mahirə Əsədova, Şamil Sabiroğlu, Natiq Qasımov, İlkin Məmmədzadə, Şəhla Qasımova, Aynur Qəniyeva…
AMEA Ədəbiyyat İnstititunun məsul əməkdaşı, filologiya elmləri doktoru, prof. Asif Rüstəmli, Təhsil Nazirliyinin məsul əməkdaşı Əzizə xanım, “Xocalı Soyqırımını Tanıtma”ictimai birliyinin şöbə müdiri Dilbər Sultanova öz dəyərli təkliflərilə “Yeni Yurd”un fəaliyyətinin güclənməsinə çalışırlar. “Yeni Yurd” ictimai birliyi, “Xocalı Soyqırımını Tanıtma” ictimai birliyi ilə tərəfdaş təşkilat kimi birgə layihələrdə çıxış edir,şəkildə gördüyünüz uğurlu nəticələrə də birgə nail olurlar. Martın 19-da Füzuli bölgəsindəki “N”saylı hərbi hissənin şəxsi heyəti qarşısında təşkil olunan ədəbi-bədii gecə də bu qəbildəndir. Tədbirin sonunda hər iki təşkilatın adından ön cəbhədə xidmət edən ərənlərimizə xeyli sovqat təqdim edildi.
Şəkildə: Mahirə xanım həqiqi hərbi xidmətdə fərqlənən əsgərə birliyin Fəxri Fərmanını təqdim edərkən.
Allah Sizdən razı olsun, Mahirə xanım!
Şamil Sabiroğlu,
“Xocalı Soyqırımını Tanıtma” ictimai birliyinin sədri,
“Yeni Yurd” Sosial İnkişaf ictimai birliyinin icraçı direktoru
