Azərbaycan cəmiyyəti bəzi məmur övladlarının «avtoş»luq etməsi ilə bağlı xəbərləri indi-indi əldə etsə də, əslində onlar çoxdan bu işlə məşğul olur. Əvvəllər qudurğan məmur övladları «avtoş» videolarını fəxrlə sosial şəbəkələrdə yayardılar. Bunlar maşınla hoqqabazlıq etməyi özləri üçün prestij sayırlar. Ən dəhşətlisi isə odur ki, prezident İlham Əliyevin sərt xəbərdarlığından sonra da həmin məmur balaları öz çirkin vərdişlərindən əl çəkmirlər. Xüsusən məmur övladları, qohumları, sahibkar balaları «avtoş»luq edirlər. Onlar yol hərəkəti qaydalarına riayət etmək əvəzinə, onu pozmağı qəhrəmanlıq sayırlar.
Əslində, inanmaq olmaz ki, hər hansı məmur öz övladına «avtoş»luq etməyi tövsiyyə etsin. Amma fakt faktlığında qalır və bu dəfə məmur övladlarının “avtoş”luğu haqda cumhuriyyet.az-a Beyləqandan xəbər daxil olub. Beyləqan rayon sakininin redaksiyamıza bildirdiyinə görə gecə saatlarında rayonun iki vəzifəli şəxsinin övladı öz avtomobilləri ilə rayon mərkəzində “təkər oynadıblar”. Mənbəmizin sözlərinə görə Beyləqan icra Hakimiyyətinin sosial-iqtisadi məsələlər üzrə müavini Məhəmməd Qələndərov və rayon Komunnal təsərrüfat Birliyinin rəisi Arzu Bəndəliyevin oğulları bu gecə avtoxuliqanlıq edərək məcburi köçkün olan bir şəxsin maşınına xəsarət yetiriblər. Mənbəmizin sözlərinə görə məmur uşaqları hadisəyə polis müdaxiləsinə də sərt reaksiya verib və əraziyə gələn polis əməkdaşlarından biri döyülüb…
Mövzunu diqqətdə saxlayacağıq. Qarşı tərəfin də mövqeyini dərc etməyə hazırıq…
Formula 1-ə ayrılan pulları mənimsəməkdə təqsirləndirilən şöbə rəisi: Məhsulların alınması üçün 90 milyon manat verilmişdi
Bakı Şəhər Halqası Əməliyyat Şirkətinin İdman Əməliyyatları şöbəsinin rəisi işləmiş Çingiz Mehdiyevin cinayət işi üzrə məhkəmə prosesi keçirilib. Elchi.az xəbər...
