“Utanmasan Əli Kərimli olmağa nə var ki? Bu adam o qədər abusrd danışır ki, özü də yazdıqlarına inanmır. Bu gün Əli Kərimlinin yaxın dostları, qohumları belə ondan imtina edib. Fuad Müstafayevdən tutmuş İbrahim Vəliyevə qədər”. Bu fikirləri SİA-ya açıqlamasında Bütöv Azərbaycan Xalq Cəbhəsi Partiyasının (BAXCP) sədr müavini Niyaməddin Orduxanlı deyib.
BAXCP rəsmisi qeyd edib ki, Cəmil Həsənli mandata görə Əli Kərimlidən imtina etdi ki parlamentə düşsün: “Bu mümkün olmadı deyə yenidən oldu “müxalifət”. Həmçinin Gültəkin Hacıbəyli. Bu qadın millət vəkili olduğu zamanlarda müxalifəti asıb-kəsirdi. Hətta indi yanaşı oturduğu insanları savadsız adlandırdı. Budur onların əsil simaları. Ayda bir dəfə Əli Kərimli özünə müavin təyin etidyi, müşavir təyin etdiyi adamlar ondan imtina edərək istefa verirlər. Kim qalıb onun yanında? Əli Kərimli sən özün 5 nəfərın adını çək və bundan sonra utan! Sənin ali orqanın olan Rəyasət heyətinin üzvü Natiq Ədliovun əxlaqını hər kəs gördü.
Niyaməddin Orduxanlı hakimiyyətlə dialoqda iştirak edən partiyaların kifayət qədər sosial dayaqlarının olduğunu və onlara qarşı səsləndirilən bütün fikirlərin məhz Əli Kərimli tərəfindən qarayaxmadan başqa bir şey olmadığını qeyd edib: “Bu gün Əli Kərimlinin və Cəmil Həsənlinin çağrışı ilə xalqın mitinqə gəlməməsinin səbəbi bu adamların riyakarlığı ilə bağlıdır. Cəmiyyət bu insanları yaxşı tanıyır. Cəmil Həsənli, sənin bu riyakarlığına görə mitinqə gəlmirlər! Mən hər zaman demişəm, Əli Kərimli bolşevikdir”.
AXCP-dən istefa verən gənclərlə bağlı sualımızı da cavablandıran BAXCP rəsmisi hər iki gənc Əli Kərimlini tənqid etdiyinə görə partiyadan uzaqlaşdırıldığını deyib: “Bu adam adi tənqidə dözümlü ola bilmir və bu təfəkkürlə böyük iddialara düşüb. Düşünürəm ki, bundan sonra heç bir gənc onun ətrafında qalmayacaq və bu da məcburən məktəblilərə müraciət etməli olacaq”.
