Əməliyyatlar zamanı 37 İŞİD terrorçusu və 5 hərbi texnika məhv edilib
İraq təhlükəsizlik qüvələri əl Ənbar vilayətində İŞİD-in işğalı altında olan 3 bölgəni nəzarətə götürüb.
ANS PRESS-in məlumatına görə, bu barədə əməliyyatlara rəhbərlik edən general Qasım əl Muhamməd açıqlama verib.
“Təhlükəsizlik qüvvələri yerli özünümüdafiə dəstələrinin də dəstəyi ilə Ənbarın əl Bucəlib, Tavi və Zanqura bölgələrini ələ keçirmək üçün böyük əməliyyat keçiriblər. Əməliyyatlar zamanı 37 İŞİD terrorçusu məhv edilib, 5 hərbi texnika isə zərərsizləşdirilib”.
General həmçinin bildirib ki, terrorçuların çıxarıldığı ərazilərdə təhlükəsizlik qüvvələri gücləndirilmiş iş rejimində işləyirlər.
