“Biz Milli Televiziya və Radio Şurasının dəstəyi ilə aparıcılara kurslar keçəcəyik. Artıq kursların proqramı və digər məsələlər hazırdır”. APA-nın xəbərinə görə, bunu Azərbaycan Milli Elmlər Akademiyası Nəsimi adına Dilçilik İnstitutunun Monitorinq şöbəsinin müdiri, professor Qulu Məhərrəmli deyib.
Q. Məhərrəmli nazirliklərdə aparılan yazışmaların monitorinqinin də keçiriləcəyini söyləyib: “Biz Bakının Nərimanov, Nəsimi və Səbail rayonları ərazilərindəki küçə adları, reklamlarla bağlı monitorinqlər aparmışıq. Bir faktı diqqətinizə çatdırmaq istəyirəm. Ölkə başçısı “Cavanşir” körpüsündən keçərkən ingilis dilində reklam görüb və dərhal həmin reklamın dəyişdirilməsini tapşırıb. Artıq Səbail rayonundakı reklamlar Azərbaycan dilindədir. Bakıda “Dom russkaya kniqa” kitab evinin adı da dəyişdirilib. “Rus kitab evi” yazılıb, altdan da rusca qarşılığı qeyd olunub. Bunu mənə Yasamal rayon İcra Hakimiyyətinin başçısı deyib”.
Keniyada daşqın nəticəsində ölənlərin sayı 228-ə yüksəlib
Keniyada təxminən 3 həftədir davam edən leysan yağışların səbəb olduğu sel fəlakətində həyatını itirənlərin sayı 228-ə yüksəlib. Elchi.az xəbər verir ki, Keniyada...
