Ermənistan həbs olunmuş “Təsisedici parlament” təşkilatının üzvləri Aşot Akopyan, Pavel Manukyan, Hereqin Çuqaszyan, Qevorq Safaryan, Varujan Avetisyan və Jirayr Sefilyana radioya qulaq asmaq və qəzet oxumaq qadağan edilib.
APA-nın Ermənistan mətbuatına istinadən verdiyi xəbərə görə, təcridxanalardakı vəziyyətlə maraqlanan Monitorinq Qrupu məlumat yayıb.
Məlumatda qeyd edilir ki, həbs olunan müxalifətçilərə yaxınları ilə telefon əlaqəsi yaratmaq da yasaqlanıb.
P. Manukyanın həbsin qeyri-qanuni olmasını əsas gətirərək aclığa başlayıb.
Ermənistan Xüsusi İstintaq Komitəsinin məlumatına görə, saxlanılanlar aprelin 24-də “erməni soyqırımının ildönümü” ilə əlaqədar planlaşdırılan tədbirlərdə iğtişaşlar planlaşdırmaqda günahlandırılırlar. Saxlanılanlar eyni zamanda silah, döyüş sursatları və partlayıcı maddələrin qanunsuz saxlanılmasında ittiham edilirlər.
