Britaniyanın hərbi donanması və NATO qoşunları öz tarixində ən böyük hərbi təlim keçirir.
Avropa.info xəbər verir ki, şotland sahillərində istirahət günü keçiriləcək təlimlərdə 55 gəmi, 70 təyyarə, 13 min matros, əsgər və pilot iştirak edəcək. Təlimlərdə 14 ölkənin hərbçiləri təmsil olunacaq.
Britaniya hərbi qərargahı jurnalistləri əmin etməyə çalışır ki, təlimlər konkret heç bir dövlətə qarşı yönəlməyib. Ancaq NATO komandalığı deyib ki, alyans öz gücünü göstərməlidir ki, Rusiyadan gələn təhlükə qarşısında onun qonşuları sakitləşsin.
“Joint Warrior” adını alan təlimlər iki həftə davam edəcək. “The Telegraph” qəzeti yazır ki, Şotlandiya sahillərində rus sualtı qayığına rast gələn Britaniya ordusu NATO-dan təyyarə dəstəyi istəyib.
