Rusiyanın Saratov şəhərində güllənən azərbaycanlının şəxsiyyəti müəyyənləşib.Saratov Vilayəti Azərbaycanlıları Konqresinin sədri Volodya Muradov APA-ya açıqlamasında bildirib ki, güllələnən şəxs əslən Azərbaycanın Bərdə rayonundan olan biznesmen, 35 yaşlı Orxan Oqtay oğlu Əliyevdir.
Hadisənin aprelin 12-si yerli vaxtla saat 04 radələrində baş verdiyini deyən V. Muradov bildirib ki, milisdə olan məlumata görə, hadisə mübahisə zəmində baş verib və hadisəni törədənlər hadisə yerindən qaçıblar. O. Əliyev hazırda şəhərdəki xəstəxanalardan birinə yeləşdirilib, vəziyyəti normaldır. Milis hadisəni törədənləri axtarır, hadisənin motivini araşdırır.
Qeyd edək ki, bu gün Rusiya mətbuatının yaydığı məlumatda Saratov şəhərində bir azərbaycanlının “VAZ-2114” markalı avtomobildə olan naməlum şəxslər tərəfindən travmatik silahdan güllələndiyini yayıb.
