Avtosfer.az-ın ƏMDK-ya istinadən yaydığı məlumata görə, hərraca istehsal ili 1981-ci ildən 2006-cı ilə qədər olan 4 maşın çıxarılacaq.

Bunlardan birinin – “BMW 730 Lİ” markalı minik avtomobilinin start qiyməti 9339 manatdır. Maşın 2006-cı ilin buraxılışıdır.

Digər 3 avtomobilin qiyməti isə 2200-2600 manat civarındadır. Söhbət 1981-ci və 1982-ci illərin istehsalı olan “QAZ-14”lərdən (qiymətləri müvafiq olaraq 2522 manat və 2610 manat), eləcə də qəzalı vəziyyətdə olan 2005-ci il buraxılış “Mitsubishi L-200”dən (qiyməti 2246 manat) gedir.

Hərraca qatılmaq istəyənlər əldə etmək istədikləri avtomobilin start qiymətinin 10%-i qədər beh ödəməlidirlər. Daha sonra ödəniş qəbzini şəxsiyyət vəsiqəsi ilə birlikdə mayın 9-na qədər Hərrac komissiyasına təqdim etmək lazımdır.

HTAM Bakı şəhəri, Nərimanov rayonu, Zeynal Xəlil küçəsi, 11a ünvanında yerləşir.