Ali təhsil müəssisələrinə qəbul olmaq istəyən abituriyentlər üçün (I, II, III və IV ixtisas qrupları üzrə) ərizələrin qəbulu bu gün başa çatır.
Modern.az saytı xəbər verir ki, bu barədə Tələbə Qəbulu üzrə Dövlət Komissiyası (TQDK) xəbərdarlıq edib.
Elektron ərizələrini Sənəd Qəbulu Komissiyalarında təsdiq etdirməli olan abituriyentlər ərizələrini bu gün saat 17:00-dək təsdiq elətdirə bilərlər.
Elektron ərizələrini özləri təsdiq edən abituriyentlər isə ərizələrini bu gün saat 23:59-dək təsdiq edə bilərlər.
Ərizələri təsdiq olunmayan, həmçinin ərizə təqdim etməyən abituriyentlər qəbul imtahanına buraxılmayacaqlar.
