Azərbaycan Respublikasının müdafiə naziri “İDEF – 2015” Beynəlxalq Müdafiə Sərgisində iştirak edəcək.
Müdafiə Nazirliyinin saytında bildirilir ki, Türkiyə Respublikasında səfərdə olan müdafiə naziri, general-polkovnik Zakir Həsənov “İDEF – 2015” Beynəlxalq Müdafiə Sərgisində iştirak etmək üçün mayın 5-də İstanbul şəhərinə gəlib.
Nümayəndə heyəti sərginin pavilyonlarına baxış keçirəcək, müxtəlif ölkələrin və müdafiə sənayesi şirkətlərinin silah, texnika və hərbi avadanlıq istehsalı sahəsində əldə etdikləri nailiyyətlərlə tanış olacaq.
Sərginin keçirildiyi günlərdə bir sıra ikitərəfli görüşlər, o cümlədən Türkiyə Silahlı Qüvvələrinin Quru Qoşunları komandanı, ordu generalı Hülusi Akar ilə görüş planlaşdırılıb.
