Qahirə məhkəməsi keçmiş prezident Məhəmməd Mursi, “Müsəlman Qardaşları” təşkilatının lideri Məhəmməd Bədii və digər şəxslərə ölüm hökmü çıxarıb.
Avropa.info xəbər verir ki, bu barədə məlumatı əl-Ərabiyyə telekanalı yayıb . Məhkəmə aralarında Fələstin vətəndaşı da olan 18 nəfərin cəzasının təsdiqlənməsi üçün sənədləri Misir müftülüyünə göndərib.
Ölüm hökmü verilənlər arasında həmçinin “Müsəlman Qardaşları” təşkilatının siyasi qolu olan Hürriyyət və Ədalət Partiyasının sədri Məhəmməd Biltəci və tanınmış İslam alimi Ümumdünya Müsəlman Alimlər birliyinin rəhbəri Yusif əl-Qardavi də var.
Xatırladaq ki, ölüm hökmünə məhkum olan şəxslər başqa ölkələrin kəşfiyyatı ilə əməkdaşlıqda və həbsxana basqınında ittiham olunurlar.
