Paytaxtda Xəzər və Qara dəniz Əməkdaşlıq və Tərəfdaşlıq Beynəlxalq Fondunun Baş Assambleyası və Direktorlar Şurasının iclası öz işinə başlayıb.
ANS TV-nin məlumatına görə, iclasın gedişatında qurumun üzərinə düşən öhdəliklər müzakirə edilərək gələcək perspektivlər seçiləcək. Direktorlar Şurasının 14-cü sessiyasının açılışında fondun vitse-prezidenti, yazıçı Çingiz Abdullayev bu dəfə qurumun prezidenti seçilib. Bundan əvvəl isə bu vəzifəni Türkiyədən olan İsmayıl Safi icra edirdi.
Xəzər və Qara dəniz Əməkdaşlıq və Tərəfdaşlıq Beynəlxalq Fondu 4 mart 2009-cu ildə Buxarestdə Rumıniya prezidenti Trayan Besesku və prezident İlham Əliyevin təşəbbüsü ilə yaradılan qeyri-kommersiya və qeyri-hökumət təşkılatıdır.
Təşkilatın idarə heyətinin üzvləri 20 ölkədən olan tanınmış şəxslərdir.
