Rusiya Federasiyasının prezidenti Vladimir Putin Türkiyə Respublikasının prezidenti Rəcəb Tayyib Ərdoğana zəng edib.Virtualaz.org bildirir ki, bu barədə Kremlin mətbuat xidməti məlumat yayıb.
Məlumatda bildirilir ki, Putin parlament seçkilərində partiyasının qalib gəlməsi münasibəti ilə türk həmkarını təbrik edib.
Telefon danışığı zamanı prezidentlər ikitərəfli əməkdaşlığın aktual məsələləri və energetika sahəsində birgə nəhəng iqtisadi layihələrlə bağlı yaranan problemlər barəsində fikir mübadiləsi aparıblar.
Bundan başqa, liderlər Rusiya və Türkiyə arasında dekabrda keçirilməsi nəzərdə tutulan Yüksək Səviyyəli Əməkdaşlıq Şurasının iclasına hazırlığın gedişini müzakirə ediblər. Prezidentlər, həmçinin intensiv şəxsi əlaqələrin davam etdirilməsi barədə razılığa gəliblər.
