Almaniyadan olan türk kökənli tanınmış aktyor Fateh Akin İstanbulda nəşr 
olunan erməni dilli “Akos” qəzetində müsahibəsində bu qəzetin 2007-ci ildə öldürülən baş redaktoru Qrant Dink haqda film çəkmək ideyasından imtina elədiyini söyləyib.
Musavat.com-un məlumatına görə, səbəb kimi, o, heç bir türk aktyorun baş redaktoru canlandırmaq istəməməsini göstərib.
“Heç bir türk aktyorunu mənə yola gətirə bilmədim ki, Qarant Dink rolunda oynasın. Ona görə də layihəyə son verdim”, – deyə rejissor vurğulayıb.
“Bəs həmin rola əcnəbi aktyorlar dəvət edilə bilməzdimi” sualına o, belə cavab verib: “Mən istəməzdim aktyorlardan kimsə ziyan çəksin. Ancaq mənim üçün Qrant Dind haqda film çəkmək vacibdir. Amerikan və ya fransız aktyor Qrant Dink rolunu canlandıra bilməz. Bunu biz özümüz eləməliyik. Ancaq görünür vaxtı hələ çatmayıb”.
Qeyd edək ki, Akin uydurma erməni soyqırımı haqda çəkdiyi filmlə də tanınır.
