Yerdə həyat məhv olmanın növbəti mərhələsinə girib və yoxa çıxacaq ilk canlılardan biri məhz insan ola bilər. Musavat.com BBC-yə istinadən xəbər verir ki, bu barədə ABŞ-ın üç universitetinin apardığı təhqiqatın nəticələrində bildirilir.
Stenford və Prinston, həmçinin Berklidəki Kaliforniya universitetlərinin hazırladığı məruzədə qeyd edilir ki, onurğalılar Yer üzündən rekord templərlə silinməkdədir.
Alimlər deyir ki, söhbət növlərin kütləvi yox olmasının sayca 6-cı mərhələsindən gedir. Öncəki mərhələ 65 milyon il əvvəl, dinozavrların bütün populyasiyalarının sıradan çıxması ilə başa çatıb.
Musavat.com
