Meyvə və tərəvəzlərin tərkibindəki bəzi vitaminlər suda tez həll olur. Bu səbəbdən də həmin bitkiləri gur axan suyun altında uzun müddət yumaq olmaz.
Sürətli axan su, meyvələrdə və tərəvəzlərdə vitamin itkisinə səbəb olaraq, yeməklərin qida dəyərini düşürür.
Bundan əlavə, tərəvəzləri tam halda, doğramadan suya salıb, yumaq lazımdır. Doğrayıb, suya salındığında vitamin dəyəri azalır. Eyni şəkildə tərəvəzlər bişirilirkən qazana çox su əlavə edilməməlidir. Tərəvəzlər, az su ilə ya da buxarda bişirilməlidir.
Tərəvəzlər bişirilərkən soda əlavə edilmədən bişirilməlidir. Çünki, bişirmə əsnasında əlavə edilən soda tərəvəzlərə daha yaşıl rəng qazandırmaqla birlikdə vitamin itkisinə də səbəb olur.
Tərəvəzlər bişirilmədən dərhal öncə, mümkünsə əllə bölünməli və ya bıçaqla kəsilməlidir. Tərəvəzləri kiçik parçalar şəklində bölmək və ya kəsmək onun səthini artırır və nə qədər səthi çox olarsa, vitamin itkisi bir o qədər çox olur.
Meyvə və tərəvəzlər mümkün olduqca, qısa müddətdə və diriliyini qoruyacaq şəkildə bişirilməlidir. Çünki, B və C vitamini kimi vitaminlər istinin təsiri ilə asanca yox olurlar.
İspanaq, gül kələm, kələm, badımcan və balqabaq kimi tərəvəzlər ən çox 10 dəqiqə bişirilməlidir. Məsələn, paxlanı 20 dəqiqə bişirmək kifayətdir.
_25.jpg)
Meyvə və tərəvəzlər bişirilirkən qazanın qapağını qapalı saxlamaq lazımdır. Çünki, bu şəkildə buxar itməz və yeməyin bişmə müddəti qısalar.
Tərəvəzlərin, makaronun və paxlalı bitkilərin bişdiyi suyu atmayın. Həmin suyu şorbalara, yeməklərə və ya souslara əlavə etmək yeməklərin qida dəyərini artırır.
_20.jpg)
Yağlar uzun müddət yüksək temperatura məruz qaldıqda, insan səhhətinə zərərli maddələr əmələ gəlir. Ərzaqların yüksək temperaturda qızardılaraq, yeyilməsi sağlamlıq baxımından zərərlidir.
Bundan əlavə, həmin yeməklərdən çox istifadə etmək piylənməyə səbəb olur və ürək-damar xəstəliklərinə tutulma riskini artırır.
