Fransanın Kale şəhərində, “Eurotunnel”in qarşısındakı yük terminalında minlərlə miqrant Böyük Britaniyaya keçmək üçün çarpışır.
Milli.Az Daily Mail-ə istinadən bildirir ki, yük terminalının ətrafındakı hasarı müxtəlif yerdən dələn miqrantlar La-Manş boğazının altı ilə keçən tunelə yol tapmağa çalışırlar.
Dünən 240 fransız polisi ilə miqrantlar arasında yeni toqquşma olub.
Qəzəblənən miqrantlar tunelin qarşısına yığışaraq şüarlar söyləyiblər: “Bizi niyə öldürürsünüz?! Bacılarımızı, qardaşlarımızı niyə öldürdünüz? Həyatımızı xilas etmək üçün gedirik! Ölsəniz də, ölkənizə keçəcəyik!”
200 miqrant dünən terminalın qarşısında canlı barrikada qurmuşdu.
