İnterpol rusiyalı biznesmen German Sterliqovun axtarışını dayandırıb.
“Qafqazinfo” oxu.az-a istinadən xəbər verir ki, bu barədə biznesmenin vəkili Artur Ayrapetov “Rus xəbərlər xidməti”nə bildirib.
“İnterpol siyasi motivlər əsasında təqib edilən şəxsləri axtarışa vermir. Azərbaycan tərəfi German Sterliqovu məhz siyasi səbəblərə görə axtarışa verib. Onun adı İnterpolun bazasında təxminən 10-15 gün qalıb. Avqust ayının 21-dən etibarən Sterliqovun beynəlxalq axtarışı dayandırılıb”, – vəkil izah edib.
Xatırladaq ki, Baş Prokurorluğun məlumatına görə, ittiham üçün əsas verən kifayət qədər sübutlar toplanıldığından 28 iyul 2015-ci il tarixdə Qerman Sterliqov Azərbaycan Respublikası Cinayət Məcəlləsinin Azərbaycan Respublikası Cinayət Məcəlləsinin 281.2 (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə təqsirləndirilən şəxs qismində cəlb olunmaqla barəsində Bakı şəhəri, Nəsimi rayon məhkəməsinin qərarı ilə həbs qətimkan tədbiri seçilərək beynəlxalq axtarışa verilmişdi.
